主页 > I绿生活 >粉红Cafe + 少女梦幻靓餐厅!! 首尔5大 Selfie >

粉红Cafe + 少女梦幻靓餐厅!! 首尔5大 Selfie

I绿生活 来源:http://www.vns88123.com 发布时间:2020-07-29

去旅行「相机食先」,总会被人闹港女港男!做人均真啲,难得有几日假期,逃离香港享受自由,自拍打卡晒命是常识吧!韩仔韩妹深明大道理,新热潮新蒲点绝对逃唔过佢哋嘅法眼,所以跟住佢哋嘅「呃 like 雷达 」去潮游首尔,就绝对唔怕无靓位 Selfie!

但网上传闻总会夸大,期就带你实地考察近期韩仔韩妹必去的人气蒲点;当然,去之前一定要好好準备,所以仲要去埋韩模潮店寻宝扫平货,换件潮服化个韩妆,Post 相后保证你「追蹤兵」人数立即飙升!

1. 少女味爆发 丧 Selfie 粉红大屋-VANT 36.5 Café

睇韩妹 Instagram,见佢哋个个都喺 一间粉红屋自拍,原来位置近于弘大,上年年底由美妆品牌 VANT 36.5 同 MENON Café 合作开的複合式Café。全幢粉红色劲抢眼,真係隔几条街都望到,唔怕搵唔到路!踩场当日虽然是平日,但Café依然劲多人,访问个个都话係为咗嚟影相,真係好夸张!刚到埗 Model Yoshi 就少女心爆发,自拍咗成15分钟先肯坐定定开工!不过真係咁好影?实地考察发现店内设计较简约,以白墙为主;而门外距离又不足影晒全幢粉红屋,所以影几张已可收工!反而真心推介要去后花园,立即跟住 Yoshi 冲过去睇睇啦!

粉红Cafe + 少女梦幻靓餐厅!! 首尔5大 Selfie
呢个位好难影得晒成幢粉红屋,而且阳光唔充足,影张普通打卡相已足够!
粉红Cafe + 少女梦幻靓餐厅!! 首尔5大 Selfie
Model Yoshi:等我带大家去影相呃like啦!
甜品扮妆物 呃 like 指数再升

解 要主攻后花园?因为户外阳光充足,位置宽敞而且桌椅色彩鲜艳,跟粉红屋撞色效果劲靓!如果想自拍时更多变化,千祈唔好错过 Café 内不同造型的甜品蛋糕,当小道具齐齐入镜,而且影完仲有得食,大满足!Model Yoshi最爱朱古力蛋糕,Chocolate Mousse 入口甜而不腻,浓浓朱古力香而且口感绵密,劲好味,最重要是蛋糕外形原来是参照 VANT 36.5 王牌粉底设计,极具代表性!而开心果红莓蛋糕造型最靓,蛋糕鬆软带微微果酸,唔会太饱肚,最啱下午茶食!食完休息够有气有力,自然可以同朋友仔继续疯狂影相!

粉红Cafe + 少女梦幻靓餐厅!! 首尔5大 Selfie
店内设计太简约,四边都是白墙,影相完全扣分!

 

粉红Cafe + 少女梦幻靓餐厅!! 首尔5大 Selfie
Tiramisu W5,300 / HK$35咖啡味浓郁,而且 Cream 唔会太甜,Model 完全食唔停口。
粉红Cafe + 少女梦幻靓餐厅!! 首尔5大 Selfie
开心果红莓蛋糕 W6,500 / HK$43莓果微酸劲开胃,饼底蛋糕非常鬆软!

 

粉红Cafe + 少女梦幻靓餐厅!! 首尔5大 Selfie
现时于店内买任何妆物,即送冰冻 Americano 一杯,坐室外影相有冰冻饮品,好贴心!

 

粉红Cafe + 少女梦幻靓餐厅!! 首尔5大 Selfie
VANT 36.5招牌朱古力蛋糕 W6,800 / HK$45超浓朱古力,Chocolate Mousse 非常绵密,仲有少少流心,好邪恶!

 

粉红Cafe + 少女梦幻靓餐厅!! 首尔5大 Selfie
Sumin 学生这里的环境非常可爱,而且地方好大,我哋四围影相都影咗一个钟!

 

粉红Cafe + 少女梦幻靓餐厅!! 首尔5大 Selfie
韩妹影到攰都坐低歎埋个下午茶先走!

 

粉红Cafe + 少女梦幻靓餐厅!! 首尔5大 Selfie

*打卡秘技:粉红大屋劲梦幻,所以咪再影大头照,叫朋友係影全景先可以呃到 like!

VANT 36.5 Café

地址:서울시 마포구 와우산로29가길 84 (首尔市麻浦区卧牛山路29街84)

电话:+82(- 0)2-6275-1999

营业时间:11:30am-9:30pm

网址

交通:乘地铁 2号线弘大入口站9号出口步行约10分钟

2. 萌爆天台任攞吹气小道具-Contoyner

韩仔韩妹影相点解咁多 Like,除咗识得摆 Pose,眼尖的大家一定有发现佢哋真係有好多小道具!明查暗访终于搵到位于弘大的 Contoyner,踏入舖头已见到堆成山的玩具公仔,而全场不论男女都拎起手机狂影,真係劲夸张!2楼玩具店颇混乱,不是影相好地方,重点是要上天台狂影,场中放满了不同吹气小道具如棒棒糖、天鹅、雪糕等,仲有间劲梦幻的小黄屋,随手拎起一件自拍已经劲靓,卖萌扮 Cute 抢 镜绝对无难度!点止Yoshi疯狂自拍,现场仲见到小鲜肉行孖咇忘我地同天鹅合照,真係好想立即畀个 Like 佢哋呀!记住,唔好怕羞先影到靓相嘛!

粉红Cafe + 少女梦幻靓餐厅!! 首尔5大 Selfie
Shinwan 学生成班朋友去,齐齐拎公仔小道具影相,似开Party劲兴奋!
粉红Cafe + 少女梦幻靓餐厅!! 首尔5大 Selfie
店内虽然有冷气,不过真係太混乱,想自拍请上天台。
粉红Cafe + 少女梦幻靓餐厅!! 首尔5大 Selfie
韩仔 oppa 唔怕众人目光,两个人嚟影相,够胆识!

 

粉红Cafe + 少女梦幻靓餐厅!! 首尔5大 Selfie
随行一定要有好朋友,唔係边个帮你拗腰影写真?

 

粉红Cafe + 少女梦幻靓餐厅!! 首尔5大 Selfie
韩妹亲自示範,仲教路呢期影相要木无表情!

 

粉红Cafe + 少女梦幻靓餐厅!! 首尔5大 Selfie
门口有扭蛋,男朋友影到闷请自便。

 

粉红Cafe + 少女梦幻靓餐厅!! 首尔5大 Selfie
彩虹饮品 W6,000 / HK$40呢度「 彩虹 」好缤纷,成杯鲜蓝色,似乎色素超高所以记者就唔敢试,有无勇士举手?

 

粉红Cafe + 少女梦幻靓餐厅!! 首尔5大 Selfie

*打卡秘技:全场最靓位一定係小黄屋,叫一杯嘢饮就可以无限时丧影,抵玩!

 

Contoyner

地址:서울시 마포구 와우산로13길 49-9(首尔市麻浦区卧牛山路13巷49-9)

电话:+82(- 0)2-6012-0655

营业时间:1pm-11pm

交通:乘地铁2号线弘大入口站 6号出口步行约8分钟

最低消费:1杯饮品

浪漫过韩剧踩入花花世界

影完可爱卖萌照,再去挑战优雅的淑女 style 吧!近年首尔街头出现了不少以「花」作为主题的咖啡厅,犹如置身韩剧的浪漫场景歎咖啡,劲梦幻!而且更兴起「花食」的新潮流,并不是食唧花造型的甜品咁简单,係食真。鲜花,饮品蛋糕的造型仲要超靓,一打卡即吸引朋友高度关注!想影辑仙气写真?唔使带专业摄影师,用自拍神棍已经绰绰有余。

粉红Cafe + 少女梦幻靓餐厅!! 首尔5大 Selfie
Model Yoshi:成日话我港女,等我影辑仙气写真俾你睇!

 

3. 戴上花环 丛林仙气一影就有-Florté Flower Café

问韩国朋友弘大有咩自拍好去处,个个都话一定要去 Florte Flower Café,仲叫我手机一定要叉足电!咁巴闭?即去睇睇。位于弘大较恬静的内街,斋睇外观以为是花店,不过大门外的樱花树已惊现自拍人龙,室内仲正,同行摄影师 Wyman 更推介必坐窗边位,话自然光影相好似用了美肌效果!不过同韩妹斗依然输几条街,点解?事关店内少女全都戴住花环,个个花仙子般自拍,问一问先知原来是由店舖供应,劲贴心!影完相记得不要错过店内各种花花饮品,尤其以咖啡最出名,更全部都缀有食用鲜花,特别推介 Flower Latte,入口微甜满满花香,杯中有朵红玫瑰劲浪漫,真係靓到唔捨得饮!

粉红Cafe + 少女梦幻靓餐厅!! 首尔5大 Selfie
Flower Latte W6,300 / HK$42(最受欢迎!)杯中玫瑰劲突出,入口唔会太重苦味,好适合女仔饮。

 

粉红Cafe + 少女梦幻靓餐厅!! 首尔5大 Selfie
Laspberry Mojito W5,000 / HK$33果味浓郁又不含酒精,饮晒成杯都唔会怕醉。
粉红Cafe + 少女梦幻靓餐厅!! 首尔5大 Selfie
店员靓女又有小鲜肉坐镇,不时有人搵佢哋一齐影!

 

粉红Cafe + 少女梦幻靓餐厅!! 首尔5大 Selfie
呢度非常适合成班女仔一齐嚟,环境舒服可以倾成日。摄影师推介必坐有充足自然光的窗边位,影相时记得要扮自然,如图中韩妹的「少女祈祷」只会出事!

 

粉红Cafe + 少女梦幻靓餐厅!! 首尔5大 Selfie

 

粉红Cafe + 少女梦幻靓餐厅!! 首尔5大 Selfie

 

粉红Cafe + 少女梦幻靓餐厅!! 首尔5大 Selfie
店中有劲多花环拣,仲有齐唔同颜色,总有一个啱你心水。

粉红Cafe + 少女梦幻靓餐厅!! 首尔5大 Selfie

*打卡秘技:摄影师 Wyman 教路,只要背景矇一点,加杯饮品突出主体,仙气即刻出晒嚟!

 

Florté Flower Café

地址:서울시마포구 신촌로6길 22 1층(首尔市麻浦区新村路6街22)

电话:+82(- 0)2-322-0122

营业时间:10:30am-11pm

交通:乘地铁2号线弘大入口站 6号出口步行约5分钟

4. 超梦幻花食几朵鲜花插在蛋糕上-8b DOLCE

放几块鲜花上甜品上就当成「花食」,似乎马虎咗少少喎!惟有上网不停起底,皇天不负有心人,终于搵到真正的「花食」甜品,外形劲梦幻的花环蛋糕,原来是出自于日本过江龙8b DOLCE,品牌在大阪以卷蛋起家,而圆圈蛋糕则以水果为主,但被引进首尔后,立即改为用鲜花製作,「呃 like」视觉效果满分!可惜入口花味唔突出,幸好云呢嗱蛋糕饼底鬆软,食落口清甜唔腻口,一个人KO一个完全无问题!想继续自拍?记得饮埋店中不同味道的花花苏打饮品,柠檬口味最透心凉,炎夏消暑一流!店员话由于食用鲜花未必日日有,所以想食最好打电话问问。

粉红Cafe + 少女梦幻靓餐厅!! 首尔5大 Selfie

(由左至右)

Pomegranate Flowerade W6,000 / HK$40

石榴味几重,略略盖过了花香,不过够甜够凉快,女仔会锺意。

Blue Lemon Flowerade W6,000 / HK$40

柠檬酸味唔算劲,饮落非常透心凉,加上蓝色饮品今期劲 hit,必试!

Rose Flowerade W6,000 / HK$40

全杯都是花香,味道非常清新,带点薄荷味道,好醒神!

Green Grape Flowerade W6,000 / HK$40

提子味一定最稳阵,而且鲜花唔算多,男仔第一次饮可以试。

*打卡秘技:因为花花苏打饮品造型唔算突出,所以记得要落重本叫晒4杯,影相先有效果!

粉红Cafe + 少女梦幻靓餐厅!! 首尔5大 Selfie
Flower Bavarois 花环蛋糕(12cm)W12,000 / HK$79味道唔算好惊喜,而且花味淡,不过造型满分!有供应的日子都只係得50个,想食记得早少少去。

 

粉红Cafe + 少女梦幻靓餐厅!! 首尔5大 Selfie
架上惊见签名杯,访问后发现原来不少韩星都是捧场客!

 

粉红Cafe + 少女梦幻靓餐厅!! 首尔5大 Selfie
Jisu 学生之前试过嚟但买唔到,今次特登11点嚟到就终于试到,花环蛋糕味道唔错,鲜花无苦涩味!

 

粉红Cafe + 少女梦幻靓餐厅!! 首尔5大 Selfie

8b DOLCE

地址:서울시 강남구 신사동 551-1(首尔市江南区新沙洞 551-1)

电话:+82-(0)2-542-0888

营业时间:10:30am-9:30pm

交通:乘地铁3号线新沙站 8号出口步行约8分钟

5. 传统韩食都跟队春田花花拌饭-열두달

以为「花食」只可用于甜品上?少年你太年轻了!虽然未夸张到是「鲜花泡菜」,但花花 x 传统拌饭已经够吸引!在益善洞的열두달,主打新派 Fusion 韩菜,朴大厨希望用创意将韩国传统食物发扬光大!最受欢迎的「春田花花拌饭」以食用鲜花代替平时的大豆芽、蔬菜等,配上流心太阳蛋,搅拌混合后满满蛋浆,鲜花不似蔬菜有苦涩味,食落劲清新,Model Yoshi 都话对传统韩菜另眼相看!相机食先?唔使自拍,斋影拌饭已经令点击率暴增啦!

粉红Cafe + 少女梦幻靓餐厅!! 首尔5大 Selfie
春田花花拌饭 W9,900/HK$65食用鲜花配上太阳蛋,搅拌混合后食落跟传统拌饭分别不大,不过更清香!

 

粉红Cafe + 少女梦幻靓餐厅!! 首尔5大 Selfie
主打新派 Fusion 韩菜,连招牌都劲文青 feel!

 

粉红Cafe + 少女梦幻靓餐厅!! 首尔5大 Selfie
超多人排队,平均等30分钟先有得食!

 

粉红Cafe + 少女梦幻靓餐厅!! 首尔5大 Selfie
餐厅由传统旧韩屋改建,保留了中间天井位置,好有气氛。

 

粉红Cafe + 少女梦幻靓餐厅!! 首尔5大 Selfie

*打卡秘技:花花拌饭都几大碗,自拍要影得靓有一定难度,相信用神棍或朋友影会更靓!

열두달

地址 : 서울시 종로구 익선동 166-54(首尔市钟路区益善洞166-154)

电话:+82(- 0)70-4449-8225

营业时间 : 11am – 11pm(3pm – 5pm 休息)

交通:乘地铁1号线钟路三街站 4号出口步行约2分钟

热门内容
小编推荐